Gedicht des Monats im im
Januar
2010
Januar
2010
Öppis säge
Seisch nüd, ischs nid rächt
seisch öppis, isch s ä nid rächt
säg was wotsch, nüd isch rächt
so isch es mit em öppis Säge.
Mir sind doch freyi Schwizer
chönd säge, wammer wänd!
I wett de aber nüd gseit ha
wart nume, dem sägis de no.
Alles Säge nützt nüd
chasch nüd degäge säge
s isch defür und dewider
drum söttmer nüd säge.
I ha s nur ghört säge
drum wetti würkli nüt gseid ha
am beschte hocksch ufs Mul
mer chönnt jo gly zvill gseid ha.
Otto Walti